O Concello de Fene presentou hoxe a programación dunha nova edición de “Xullo, Mes da Patria”, unha proposta cultural consolidada no calendario municipal que volverá encher as rúas e prazas de actividade entre os días 3 e 9 de xullo, coincidindo coa celebración do Día da Patria Galega.
A programación combina espectáculos familiares, música tradicional, danza contemporánea, humor e concertos, cunha aposta clara pola cultura galega e pola participación da veciñanza.
O concelleiro de cultura, Justo Ardá, destacou que “Xullo, Mes da Patria é unha programación que busca celebrar a nosa cultura desde diferentes expresións artísticas, combinando tradición e contemporaneidade e ofrecendo propostas para públicos moi diversos”. A alcaldesa, Sandra Permuy, subliñou tamén que “esta iniciativa é unha oportunidade para reivindicar a identidade galega desde a cultura, a creación e a participación cidadá”.
Teatro familiar para abrir o programa
A programación arrancará o venres 3 de xullo ás 20.30h na praza do CPS de San Valentín coa representación de “Ándale! Bon Appétit!”, da compañía Teatro Ghazafelhos, un espectáculo familiar que combina humor, gastronomía mexicana e participación do público.
A actividade conta coa colaboración do CPS de San Valentín e da Agadic, dentro do programa Cultura no Camiño.
Danza e música tradicional
O luns 6 de xullo ás 20.30h, a praza do alcalde Ramón José Souto González acollerá o espectáculo de danza contemporánea “Un Baile Ceibe en Comunidade”, da compañía de Fran Sieira, unha proposta que revisita o folclore galego desde unha linguaxe escénica actual.
A continuación terá lugar o concerto do grupo Encrucillada, que celebrará o seu décimo aniversario cun repertorio centrado na música para baile e foliada.
Habaneiras e canto coral
O martes 7 de xullo ás 20.30h celebrarase unha nova edición do tradicional Festival de Habaneiras e Canto Coral, coa participación da Rondalla Estrelecer, da Coral Polifónica Agarimo de Sillobre, de Tradicoro e da Coral Polifónica O Pote de Maniños.
Humor con David Amor
O mércores 8 de xullo, a programación continuará coa actuación do humorista David Amor, que presentará o espectáculo “O Amor está no aire” a partir das 21.30 horas na Praza do Alcalde Ramón José Souto González.
As entradas poderán retirarse o venres 3 de xullo ás 12h na Casa da Cultura.
Acto institucional do Día da Patria Galega
O acto central terá lugar o xoves 9 de xullo. Ás 20.00 horas celebrarase no Parque Lineal do Río Cádavo, diante do Monumento ao 25 de Xullo, a lectura da Declaración Institucional polo Día da Patria, que correrá a cargo de Paco Oti, humorista gráfico, investigador teatral, dramaturgo e membro fundador do grupo de teatro do CCRD Perlío.
A partir das 21.30 horas, a música tomará o protagonismo na praza do alcalde Ramón José Souto González coa actuación da Orquestra Bravú Xangai, unha das formacións máis representativas da música galega contemporánea.
A continuación actuará Loita Amada, que presentará o seu último traballo discográfico, caracterizado pola combinación de diferentes estilos musicais e unha marcada mensaxe social.
Apoio institucional
Boa parte da programación conta coa colaboración da Deputación da Coruña, reforzando así unha iniciativa que ano tras ano converte Fene nun punto de encontro para a cultura galega.
Desde o Concello anímase á veciñanza a participar nun programa que combina espectáculo, tradición, reflexión e celebración colectiva arredor da cultura e da identidade galega.
Actividades complementarias en colaboración coas sociedades
A programación do ciclo “Xullo, Mes da Patria” complétase cunha serie de actividades impulsadas polo Concello de Fene en colaboración coas entidades do municipio, reforzando así o carácter participativo e descentralizado da iniciativa.
O programa arrancou o pasado 24 de xuño coa actuación da compañía Sempre Arriba, que presentou o espectáculo de acrobacias “Hoxe si!” na pista municipal de Centieiras.
As propostas continuarán o sábado 27 de xuño ás 12.30h, coincidindo coa celebración do Perla Mural Fest, coa actuación de Los Jinetes del Trópico, que representarán o espectáculo “A calor é un dereito”. Ese mesmo día, de 10 a 14h, desenvolverase tamén un obradoiro de danza dirixido por Fran Sieira, destinado ás persoas que desexen participar posteriormente na peza comunitaria “Un baile ceibe en comunidade”, prevista para o 6 de xullo.
Xa no mes de xullo, o día 4 ás 21.00h a Liga de Amigos de Barallobre acollerá, no marco da Romaría do Camiñante, a actuación de No Cómbaro, que levará ao público o espectáculo de cantos de taberna “Pídeme unha cantiguiña”.
Estas actividades forman parte da colaboración continuada entre o Concello e as entidades locais para achegar a cultura a diferentes espazos do municipio e contan co apoio da Rede Cultural provincial.
El municipio de Fene celebrará el Festival cultural Xulo mes da Patria que tiene lugar entre el 4 al 11 de julio 2025, en el que se llevarán a cabo actividades lúdicas y musicales para niños y mayores.
Viernes 4
-17.30 horas: Fiesta Infantil con juegos de agua, talleres e hinchables, en la Praza do Alcalde Ramón J. Souto González.
Martes 8
-21.00 horas: Teatro Ghazafelhos presenta "Historias para escagarrinarse", en la Praza do CPS de San Valentín.
Miércoles 9
-21.30 horas: Monólogo de Federico Pérez: "Xa que o sabes, voucho contar (e cantar)", en la Praza do Alcalde Ramón J. Souto González.
Jueves 10
-20.00 horas: Acto Institucional con Gisela Sanmartín Novo en el Parque Liñal do Río Cádavo (Monumento 25 de Xullo)
-21.00 horas: Conciertos de Ulex "Lonxe de ti" y De ninghures "Feira", en la Praza do Alcalde Ramón J. Souto González.
Viernes 11
-20.30 horas: Festival de Habaneras e Canto Coral con la Rondalla Estrelecer (CMT), Tradicoro (Airíños de Fene), Coral O Pote (Marinos) y Coral Agarimo (Sillobre), en la Praza do Alcalde Ramón J. Souto González.
Cunha festa infantil a cargo de La Guagua botará a andar o venres 4 de xullo, ás 17.30 horas, o ciclo “Xullo, mes da Patria”, organizado pola Concellería de Cultura de Fene. Nesta primeira cita, dirixida aos máis pequenos da casa, haberá inchables, xogos de auga e animación na Praza do alcalde Ramón José Souto González, escenario de boa parte das actividades. Ese mesmo día pola mañá, a partir das 10.00 horas, repartiranse na Casa da Cultura de Fene as invitacións para asistir ao espectáculo que ofrecerá o monologuista Federico Pérez o mércores 9. Entregaranse dúas entradas por persoa adulta até completar o aforo.
Trala festa infantil coa que se inaugura o programa, o ciclo “Xullo, mes da Patria” continuará o martes 8, ás 21 horas, na praza do CPS de San Valentín, co espectáculo familiar Historias para escagharriñarse, de Teatro Ghazafelhos. Función programada coa colaboración do CPS de San Valentín e Agadic.
A xornada do mércores 9 estará adicada ao humor co monologuista e actor Federico Pérez. O espectáculo, titulado Xa que o sabes, voucho contar (e cantar), comezará ás 21.30 horas na praza do alcalde Ramón J. Souto González con entrada gratuíta (previa recollida de invitacións -2 por persoa adulta- o venres 4 de xullo, ás 10.00 horas, na Casa da Cultura). Función programada coa colaboración da Rede Cultural da Deputación, ao igual que os concertos do día seguinte.
O xoves 10 de xullo, ás 20 horas, terá lugar no Parque Liñal do Río Cádavo (a carón do monumento 25 de xullo) a lectura da declaración institucional polo Día da Patria, redactada este ano pola fenesa Gisela Sanmartín, directora do grupo de cantareiras Xirifeiras (Airiños de Fene) e presidenta da Asociación de Tocadoras Galegas Somos Pandeireteiras.
A continuación, o mesmo día a partir das 21 horas, celebraranse na Praza do alcalde Ramón J. Souto González os concertos de Ulex, “Lonxe de ti”, e De Ninghures, “Feira”.
E xa para pechar o programa, o venres 11 de xullo ás 20.30 horas as protagonistas serán as corais e rondallas do concello: a Rondalla Estrelecer (CMI), o Tradicoro (Airiños de Fene), a Coral Polifónica O Pote de Maniños e a Coral Agarimo de Sillobre, que actuarán no tradicional Festival de Habaneiras e Canto Coral que se celebra todos os anos na Praza do alcalde Ramón J. Souto Gonzalez.
