O obxecto desta
convocatoria é regular a concesión de subvencións de pago único anual ás
familias con menor nivel de recursos económicos e que cumpran os requisitos de
acceso ao programa establecidos, para a adquisición dos agasallos para a
Festividade de Reis para os/as seus fillos e fillas que, estando en convivencia
cos/as solicitantes, sexan menores de 15 anos (con 14 anos cumpridos) ou ben
sexan maiores desa idade e ate os 18 anos sempre que teñan o recoñecemento
oficial de minusvalía.
Coas
subvencións cubriranse os gastos derivados da adquisición de agasallos para a
festividade de Reis, a saber: xoguetes, xogos, libros, material didáctico e
outros obsequios que correspondan coa idade do/a menor ao que vai dirixida a
axuda, sempre que estes sexan adquiridos no período comprendido entre o día de
apertura da presente convocatoria e o día 5 de xaneiro de 2014.
Poderase
xustificar roupa, calzado ou material deportivo (mochilas, roupa deportiva,
botas, etc) sempre que o importe total non supere o 50 % da axuda subvencionada
(37,50 €), agás as persoas que foran beneficiarias de axudas para o mesmo
concepto no decurso do ano 2013 a través de axudas municipais ou de outros
organismos.
Convócanse
un total de 40 subvencións para 40 nenos e nenas por importe individual de 75
euros para cada beneficiario/a.
A contía das
axudas que recibirá cada familia solicitante estará en función do número de
fillos e fillas en convivencia, que cumpran o requisito da idade e que se podan
beneficiar do programa.
Nembargante,
de existir máis solicitudes que acaden puntuación suficiente para o acceso ás
axudas, á proposta da comisión de avaliación, poderase limitar o número de
axudas por familia en favor de outras familias que queden fora do programa
ainda cumprindo os requisitos de acceso.
