O PSdeG-PSOE de Fene denuncia o estado de
abandono do Miradoiro da Fervenza do Río Belelle
Os socialistas de Fene consideran un
despropósito que o Concelleiro de Facenda e Turismo avanzara proxectos de
dinamización turística con actuacións en todas as parroquias do Concello cando
os principias elementos de interese turístico presentan un estado lamentable.
Fene, 25 de febreiro de 2014
Xa pasaron
varias semanas dende que na Comisión de Facenda do mes de xaneiro, o Presidente
da Comisión presentara un plan de
dinamización turística para desenvolver en todas as parroquias do Concello de
Fene, incluíndo o espazo da fervenza do río Belelle. Hoxe este anuncio segue
contrastando co lamentable estado das infraestructuras do mirador e os accesos
deste enclave natural.
Os socialistas
de Fene veñen denunciando dende hai meses nas comisións informativas e tamén no
último pleno ordinario o avanzado deterioro dos equipamentos e a senda da
fervenza do río Belelle. Hoxe queremos denunciar as políticas de cortinas de
fume e desidia do Goberno de Fene, mal se pode dinamizar turísticamente espazos
que se atopan nun lamentable estado de conservación.
O Grupo
Socialista do Concello de Fene esixirá nas Comsións informativas, que se
celebrarán durante esta semana, un
compromiso real do Goberno do Partido Popular cos problemas dos veciños e
veciñas de Fene e denunciará a desidia do Goberno Municipal do Partido
Popular no mantemento das instalacións públicas en xeral e do miradoiro da
fervenza do Río Belelle en particular.
Antón Noceda, Sº Xeral PSdeG-PSOE de Fene
