Trátase dunha serie de caricaturas de personaxes relevantes galegos, fundamentalmente do eido da cultura, da política e do deporte. As obras, presentadas en formato A1, foron relizadas en 2009 con técnica dixital e posteriormente impresas en PVC.
Entre os personaxes retratados salientan a actriz Teté Delgado, a gaiteira Susana Seivane, os actores Luis Tosar, Antonio Durán “Morris” e Ernesto Chao, ou os modistos Adolfo Domínguez e Roberto Verino. Tamén se inclúen caricaturas do xornalista Jesús Mariñas, do presentador Xosé Manuel Piñeiro e do humorista Luis Piedrahita, xunto coas do cardeal Rouco Varela ou a do anacoreta Manfred Gnädinger (Man de Camelle). No ámbito deportivo, salientan os retratos do adestrador Arsenio Iglesias, do exfutbolista Nacho Novo, do boxeador Iván Pozo, do medallista olímpico David Cal e do nadador paralímpico Chano Rodríguez. Complétase a colección con caricaturas dos políticos Abel Caballero, Anxo Quintana, Pepe Blanco e Chema Figueroa.
As obras, entregadas á Concellería de Cultura pasarán agora a formar parte dos fondos do Museo do Humor de Fene, podendo exhibirse nas súas dependencias, en mostras itinerantes ou publicacións desta institución.
Michel Casado (Vigo, 1978) é caricaturista e ilustrador profesional. Traballa dende 2008 facendo caricaturas en vivo en eventos e caricaturas dixitais por encargo, ademais de facer traballos como ilustrador para álbumes ilustrados.
Nos últimos anos publicou os seguintes libros (álbum ilustrado):
2010
. O libro da Illa de San Simón, Amalia Pérez Otero, Editorial A Nosa Terra
2009
. O libro da Illa de Tambo, Amalia Pérez Otero, Editorial A Nosa Terra
. O libro da Illa de Cortegada, Amalia Pérez Otero, Editorial A Nosa Terra
. De mayor quiero ser…, Ana Belén Fernández, Editorial Nova Galicia
. Kofú y el tiempo libre, Lupe Lóriga, Editorial Nova Galicia
. Kofú y Pipu, Lupe Lóriga, Editorial Nova Galicia
2008
. O libro das Illas Cíes, Amalia Pérez Otero, Editorial A Nosa Terra
. Andrés el Mentiroso, Lupe Lóriga, Editorial Nova Galicia
. O libro da Illa de Ons, Amalia Pérez Otero, Editorial A Nosa Terra
Entre os premios que acadou, salientan:
. 2º premio no XII Salao Luso-galaico de Vilareal, 2008
. Premio na IX Bienal da Caricatura de Ourense, 2008
. Special Prize no 3º International Cartoon Contest Syria, 2007
. Premio na VIII Bienal da Caricatura de Ourense, 2006

Aqui les dejamos algunas de las obras donadas