O goberno municipal do BNG de Fene
ten dado sobradas mostras da súa escasa (por non dicir nula) preocupación pola
conservación dos bens e dos espazos públicos. Un novo exemplo atopámolo no
Parque do 10 de Marzo, onde as probas da desidia do executivo de Juventino
Trigo están á vista en marquesiñas, maleza e, especialmente, no mobiliario
urbano. Os bancos da praza e moitos outros do Concello necesitaban dende hai
meses que se realizarán tarefas de mantemento, por iso no mes de xullo de 2016,
hai 9 meses, o daquela concelleiro de Obras e Servizos, o socialista, Antón
Noceda, iniciou a os traballos de mantemento dos bancos no Parque do Río
Cádavo, e planificáronse labores de mantemento para os bancos de todas as
parroquias. O 10 de agosto o BNG decidiu prescindir dos concelleiros do PSOE
que lle permitiran ser elixido alcalde, e tamén decidiu suspender eses
traballos. Froito desa falta de
mantemento atopámonos agora con que as madeiras están rotas ou, en moitos
casos, inservibles.
Os Socialistas de Fene insistimos en
que o goberno municipal ten a obriga de velar polo mantemento e a conservación
dos bens públicos, pagados cos impostos de todos, pero non só por unha cuestión
económica, senón, e sobre todo, de seguridade, xa que debemos ter en conta que
a maior parte dos usuarios dos parques son nenos e nenas e persoas maiores.
