Con motivo
do Día Internacional para a eliminación da violencia contra a muller, o
Concello de Fene manifesta o seu máis profundo rexeitamento a calquera forma de
violencia exercida contra as mulleres.
A violencia,
que nas distintas formas se exerce contra as mulleres, constitúe a mais clara
manifestación das desigualdades que persisten entre mulleres e homes,
constituíndo un atentado contra o dereito á vida, á seguridade e á liberdade, á
dignidade e á integridade física e psíquica das vítimas e, polo tanto, un
obstáculo para o desenvolvemento dunha sociedade mais xusta e igualitaria.
Neste día e
preciso tamén lembrar que existen leises e tribunaís que protexen frente a
estos ataques pero que é necesario una maior axilidade nos casos de violencia,
debendo aplicar a lei co máximo rigor e salvagardar os dereitos da muller e dos
fillos, privando os maltratadores, de maneira rápida e exemplar, do réximen de
visitas e da pratria potestad dos seus fillos, evitando a humillación é risco
para integridade física que supon ter que forzar episodios de convivencia con
alguen que non poder formar parte de unha sociedade civilizada.
Todos os
poderes públicos teñen a obriga de adoptar as medidas necesarias para facer
reais e efectivos estes dereitos.
Mentres siga
existindo un so caso de violencia de xénero non viviremos nin gozaremos de unha
sociedade que poida vivir libre e en igualdade real entre mulleres e homes.
Estamos
convencidos que a erradicación da violencia de xénero pasa por un proceso de
maior concienciación social e de educación.
A conquista
real da igualdade, do respecto a dignidade humana da liberdade das persoas, ten
que ser un obxetivo prioritario das políticas públicas, polo que é fundamental
levar a cabo, dende todas as Administracións, actuacións transversais que
incidan na mellora da igualdade de oportunidades a todos os niveis. O art. 155
da Constitución obriga a as Comunidades Autónomas ó cumprimento das leis
vixentes, porque a integridade de mulleres e menores ten que estar garantida
sen disculpas nin dúbidas.
Por todo o
anterior o Concello de Fene ACORDA
1.- Solicitar da Administración de Xusticia o rápido e riguroso cumprimento das
medidas preventivas e de salvagarda dos dereitos da persoa
que sufre violencia e que deben acompañar a calquer
resolución xudicial que conteña unha condea.
2.- Comprometerse a ampliar presupostos, servizos e recursos para combater a
violencia de xénero.
3.- Instar a Xunta de Galicia a:
a) Axilizar os trámites necesarios para a inmediata posta en funcionamento do
Centro de Recuperación Integral para mulleres vítimas da violencia de xénero,
obriga incluída na Lei galega 11/2007 para a prevención e o tratamento da
violencia de xénero.
b) Impulsar os órganos consultivos e de participación da Lei 11/2007, galega
para a prevención e o tratamento integral da violencia de xénero, de xeito que
cada órgano estea regulado de forma independente para garantir a súa
comprensión e facilitar o control das súas actividades; incorporando á
composición dos tres órganos a representación de asociacións profesionais de
igualdade e personal técnico especializado en igualdade, así como profesionais
que estean traballando no ámbito do tratamento da violencia de xénero, que son
quen esta desenvolver no día a día o traballo técnico relacionado ca igualdade
das mulleres e homes.
c) Definir a
estratexia no ámbito da sensibilización e da prevención en contra da violencia
de xénero.
d) Facer
unha planificación para a realización de campañas periódicas de sensibilización
contra a violencia de xénero e promover acordos para a formación de
profesionais dos medios de comunicación para a mellora do tratamento
informativo das situacións de violencia contra as mulleres.
e) Incidir
en mecanismos de apoio de prevención e de apoio vítimas para que as mulleres
non se vexan forzadas a retirar unha denuncia.
f) Reforzar
os servizos de atención a menores vítimas directas e indirectas da violencia de
xénero na súa atención e a recuperación das súas secuelas, ao obxeto de romper
o círculo de transmisión interxeneracional da violencia.
h) Que as
axudas económicas recollidas na lei galega sexan abonadas ás mulleres vítimas
de violencia de xénero, que acrediten formalmente as condicións establecidas,
nun prazo non superior a 15 días.
i) Crear un
programa específico para mulleres discapacitadas que sofren violencia de
xénero, debido a súa situación especial de vulnerabilidade.
j) Promover
a responsabilidade social corporativa das empresas a fin de lograr unha alianza
empresarial contra a violencia de xénero
4.-Asimesmo
instamos a Xunta de Galicia e o Goberno do Estado a que amplíe os presupostos,
os programas, actuacións e servizos dirixidos a combater a violencia de xénero
e atender as mulleres.
