A
piscina municipal de Centieiras e a praia de Chanteiro serán os escenarios
dunha nova edición dos “Bautismos de Mergullo” que organiza a Concello de Fene
en colaboración co Club de Actividades Subacuáticas Nautilus. Para este mes de
xuño, a Concellería de Deportes programou un bautismo para nenos/as de 10 a 16
anos (gratuito) e outro para maiores de 16 (que terá un custe de 6,25 euros por
persoa). As persoas interesadas en realizar calquera destas dúas actividades
deberán inscribirse antes do vindeiro 12 de xuño no pavillón polideportivo A
Xunqueira de San Valentín.
O bautismo para maiores de
16 anos celebrarase na fin de semana do 14 ao 15 de xuño. O primeiro
día, o sábado 14 de xuño, os participantes recibirán formación na Piscina de
Centieiras, en horario de 18.30 a 21.00 horas, sobre o emprego dun equipo
lixeiro de mergullo (máscara, tubo e aletas), manexo e exercicios cun equipo
pesado (regulador, chaleco de flotabilidade e botella) e realizarán prácticas
de respiración, relaxación, normas de seguridade e sinais submarinas.. A
actividade completarase o domingo 15 de xuño cun paseo subacuático na praia de
Chanteiro, de 10.00 a 13.00 horas (no caso de que as condicións do mar o permitan. En caso contrario
cambiarase a data para outro domingo). Nesta segunda xornada, cada
alumno/a mergullarase acompañado por un monitor.
Os
requisitos para poder participar nesta actividade son: saber nadar e ter máis
de 16 anos (no caso de ser menores de 18 anos, precisarase tamén un permiso
paterno/materno).
Segundo
informan dende o Departamento de Deportes do Concello de Fene, para esta
actividade hai 12 prazas dispoñíbeis que se cubrirán por rigorosa orde de
inscrición. O custe da actividade ascende a 6,25 euros.
De
novo, este ano o Concello de Fene organiza tamén un bautismo de mergullo para nenos/as de 10 a 16 anos.
Desenvolverase o sábado 14 de xuño na piscina municipal de Centieiras. Os
nenos/as participantes, repartiranse en dous grupos (tres cuartos de hora cada
grupo), establecéndose polo tanto dúas quendas horarias: de 17.00 a 17.45 horas
e de 17.45 a 18.30 horas Neste bautismo de mergullo, os/as nenos/as aprenderán
a manexar un equipo lixeiro, recibirán explicacións e presenciarán exercizos co
equipo pesado (que será levado polo monitor) e, por ultimo, realizarán
prácticas de respiración, relaxación, normas de seguridade básicas e sinais
submarinas.
Os
requisitos para poder participar nesta actividade son: saber nadar e aportar un
permiso paterno/materno. O número de prazas dispoñibles para esta actividade
ascende a 30 en total (15 en cada quenda) e tamén se cubrirán por orde de
inscrición. Actividade GRATUITA.
Inscricións
As
persoas interesadas en anotarse en calquera dos dous bautismos de mergullo que
organiza o Concello de Fene, deberán achegarse polo pavillón polideportivo da
Xunqueira ata o 12 de xuño, en horario de luns a venres, de 8.30 a 14.30 horas,
e os mércores tamén pola tarde, de 16.30 a 19.00 horas.
Para
máis información, cómpre dirixirse ao departamento de Cultura, Deportes e
Xuventude do Concello de Fene (Avda. Naturais, 44, entrechán dta.) ou chamar ao
teléfono 981-340366.
Actividade
realizada coa colaboración do Clube de Actividades Subacuáticas Nautilus.
NOTA: a organización proporcionará todo o material
deportivo necesario, incluídos os traxes de neopreno para o mar (no caso do
Bautismo de Mergullo para maiores de 16 anos)
