Román Montesinos naceu na Coruña en
1952. Comezou a súa andaina fotográfica a finais dos anos 60. Xeólogo,
especializado en Paleontoloxía, actualmente é profesor na Universidade da
Coruña.
A obra fotográfica deste artista
tense vinculado coa fotografía metafórica (metáforas visuais – poesía visual).
Nas súas fotografías tenta evocar distintos tipos de sentimentos, conxugando o
material –obxectos diversos- co anímico. Na súa obra predominan os dobres
sentidos e, con moita frecuencia, un humor subxacente.
Montesinos é autor de máis dunha
trintena de exposicións individuais: na Coruña (Asociación Alexandre Bóveda,
libraría Arenas e dúas veces na Facultade de CC da Educación, etc.). Tamén no
Concello de Culleredo, na Universidade de Oviedo, en Do Forno, en Lugo, na
Universidade de León, en Casa Charry do concello de Oleiros e, colectivamente,
en Madrid e Culleredo (A Coruña).
A súa obra
foi difundida en medios de prensa nacionais e extranxeiros (Boston, USA) e,
virtualmente, na agrupación fotográfica F11 de Alemania con dúas exposicións
monográficas en decembro de 2008 e en xaneiro de 2011.
Unha das
fotografías de Román Montesinos, “Tacitas de café” figura na exposición
permanente do Museo do Humor de Fene (Sala de Humor Negro).
